Aberto o prazo para escoller a Palabra do Ano correspondente ao 2019

As propostas poden presentarse ata o vindeiro día 15

«Afouteza» foi a palabra gañadora no 2017
«Afouteza» foi a palabra gañadora no 2017

/ la voz

O Portal das Palabras xa abriu o prazo para presentar candidaturas á Palabra do Ano correspondente ao 2019. A iniciativa busca elixir, de xeito colectivo, un termo que resuma ou identifique a realidade que mellor represente o que foron os doce meses do ano. En edicións anteriores as vencedoras foron deseucaliptización (2018), afouteza (2017), irmandade (2016), refuxiado/a (2015) e corrupción (2014).

A escolla consta de tres fases. Acaba de abrirse a primeira delas. Calquera persoa poderá enviar suxestións ata o domingo 15 deste mes ás 23.59 horas. As propostas deben facerse a través dunha web específica. Entón empezará a segunda fase: do 16 ao 25 de decembro, os termos máis significativos e repetidos someteranse a unha votación telemática pública. Por último, o venres día 27 darase a coñecer a Palabra do Ano 2019. 

Divulgación

O Portal das Palabras é un proxecto da Real Academia Galega e a Fundación Barrié co obxectivo de promover a modernización do traballo lexicográfico e a divulgación do galego. A plataforma web do Portal ofrece xogos, vídeos coa resolución de dúbidas frecuentes da lingua e outros contidos que conectan o léxico coa realidade cotiá. Unha destas seccións é A palabra do día.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Aberto o prazo para escoller a Palabra do Ano correspondente ao 2019