A viaxe máis internacional de Castelao

A obra do artista rianxeiro percorrerá máis de 100 cidades arredor dos cinco continentes


La Voz

Este luns 22 de xullo inaugúrase na Fundación Gonzalo Torrente Ballester de Santiago de Compostela, a mostra Castelao grafista (facsímil), que ten como finalidade principal proxectar internacionalmente a imaxe do artista rianxeiro Alfonso D. Rodríguez Castelao.

O proxecto está producido por Turismo de Galicia e organizado pola Real Academia Galega de Belas Artes e a Fundación Gonzalo Torrente Ballester, coa colaboración do Instituto Cervantes e do Ministerio de Asuntos Exteriores.

Estes dous últimos organismos ábranlle ás portas dos seus centros, espallados por todo o mundo, á obra de Castelao. Cidades tan importantes como Nova York, São Paulo, O Cairo, Pekín, Sidney, Berlín, París, Roma, Bos Aires, Montevideo ou Miami, acollerán a voluminosa produción do rianxeiro.

A iniciativa achegará a máis de 100 rincóns dos cinco continentes a obra de Castelao, que permanecerá nas bibliotecas dos centros internacionais. O material que se envía conta, principalmente, cun exemplar do catálogo Castelao grafista (facsímil), tódalas obras de ficción do escritor, a súa obra chave do pensamento galeguista, Sempre en Galiza, unha colección dos seus escritos políticos e de arte, así como a correspondencia do autor.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A viaxe máis internacional de Castelao