O Museo de Belas Artes lanza unha app para explorar en detalle as súas obras

Un conxunto de dez pinturas antigas e contemporáneas con especial atención ao carácter local

X. F.
La Voz

O Museo de Belas Artes da Coruña, en colaboración con #SecondCanvas, vén de lanzar unha app gratuíta para explorar en súperalta definición dez cadros da súa colección. A iniciativa enmárcase dentro proxecto #scModules, cofinanciado polo programa H2020 da Unión Europea.

A aplicación, chamada «Second Canvas Museo de Belas Artes da Coruña», permite «unha ampliación ata o mínimo detalle das obras, vendo o que, moitas veces, o ollo non é capaz de percibir cando estás na sala», asegura o responsable da área de difusión da pinacoteca coruñesa., Manuel Mosquera. «É unha maneira distinta de interactuar cos cadros e, tamén, para reflexionar sobre como é a construción da pintura antiga e moderna», explica.

Esta iniciativa dixital permite, ademais de achegarse ás miudezas das obras, capturar a ampliación das pinturas e compartilas a través do móbil. Así mesmo, a app tamén posibilita que o usuario poida acceder a unha serie de informacións técnicas e contextuais, entre cinco e dez, que facilitan o coñecemento da obra e enriquecen a navegación. Tales como: aspectos simbólicos, os personaxes representados, a técnica que empregou o artista, a historia do pintor, os sucesos menos coñecidos do lenzo. etc.

Nun ton divulgativo, «SC Museo de Belas Artes da Coruña» caracterízase por unha doada e intuitiva navegación: «Realizamos un esforzo en sintetizar moito a información e facela moi accesible a calquera persoa que teña curiosidade», sostén Mosquera.

Os dez cadros que, de momento, inclúe a aplicación engloban pinturas antigas e modernas. Desde o Dédalo y el Minotauro e Psique de Pedro Pablo Rubens ou Gabinete de Coleccionista de Frans Francken II, ata obras de carácter local como Vista de A Coruña de A. F. Fischermans ou Retrato de Doña Emilia Pardo Bazán, de Joaquín Vaamonde. Os artistas galegos Luís Seoane e Urbano Lugrís tamén están presentes.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

O Museo de Belas Artes lanza unha app para explorar en detalle as súas obras