Música tradicional para Fraguas

A orquestra folk SonDeSeu ofrecerá o día 16 de maio en Santiago o concerto do Día das Letras Galegas organizado polo Consello da Cultura

SonDeSeu estrearán unha peza nova en homenaxe a Antonio Fraguas
SonDeSeu estrearán unha peza nova en homenaxe a Antonio Fraguas

Santiago / la voz

Música creada a partir da tradición popular para un defensor, compilador e difusor da cultura patrimonial. A orquestra folk SonDeSeu, acompañada por O Fiadeiro, ofrecerá o día 16 de maio no Auditorio de Galicia de Santiago un concerto en honra a Antonio Fraguas con motivo do Día das Letras Galegas.

A actuación impulsada polo Consello da Cultura Galega convértese nunha homenaxe á cultura patrimonial que axudou a recuperar Fraguas e incluirá na súa apertura a estrea da Suite Cotobade, composta para a ocasión por Xaquín Xesteira e Rodrigo Romaní. Trátase dunha peza que parte de materiais recollidos no concello natal do autor homenaxeado xunto coa evocación do pasodobre de Viascón. «Non é un formato de suite á maneira culta, senón á tradicional. Non ten interrupcións entre ningunha das súas catro partes. Son quince minutos de desenvolvemento de aires que, seguramente, Antonio Fraguas escoitou na súa infancia e que probablemente tamén cantou, e que se nutren de textos que el recolleu», asegurou Rodrigo Romaní, que engadiu que dende a orquestra SonDeSeu están «moi ilusionados» co proxecto que culminará o próximo día 16. Despois da estrea, a orquestra interpretará pezas do seu repertorio habitual.

 O concerto do Días das Letras organizado polo Consello da Cultura Galega celébrase este ano en Santiago por ser «onde pasou a maior parte da súa vida, onde viviu rodeado do afecto dos seus veciños e onde foi soterrado», asegurou a presidenta do organismo, Rosario Álvarez. Engadiu que é un cita especial porque «nela quixémoslle dar a voz ao pobo». O Consello tamén presentou onte un sitio web dedicado a Antonio Fraguas e publicará un libro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Música tradicional para Fraguas