Seis concertos nas cidades galegas pechan O Son do Camiño

The Hives na Coruña, Miguel Poveda en Ferrol, Pablo López en Lugo ou Rodrigo Leão en Ourense son algunhas das actuacións programadas


Redacción / La Voz

Seis concertos de artistas nacionais e internacionais pecharán este outono a programación do certame O Son do Camiño 2018, unha das iniciativas coas que a Xunta prepara a celebración do Xacobeo 2021. Tras o festival que acolleu Santiago -reuniu a case 85.000 afeccionados-, as novas citas ampliarán o seu ámbito ao resto de cidades galegas, como parte dos distintos itinerarios xacobeos. Así, a banda de garaxe rock sueca The Hives tocará na Coruña, e o cantaor Miguel Poveda levará a súa arte flamenca a Ferrol, no que atinxe ao Camiño Inglés. En Lugo, encravada no Camiño Primitivo, recalará Pablo López, mentres que en Ourense, na Vía da Prata, actuará o músico portugués Rodrigo Leão. O cantautor e guitarrista de indie folk José González -sueco de raíces arxentinas- pasará por Pontevedra, no corazón do Camiño Portugués, e a cantante chilena Mon Laferte actuará en Vigo, no Camiño Portugués da Costa. Os concertos celebraranse en outubro e novembro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Seis concertos nas cidades galegas pechan O Son do Camiño