O vestido verde


O día era moi bo, eu quedara coas miñas amigas para ir a bailar á Quinta de Galicia. Abrín o armario, non sabía que vestido poñer, todos eran tan bonitos. De súpeto o verde apartou aos outros dicindo:

-Saíde, non estorbedes! Hoxe tócame a min!

-Que? Quen fala aquí? -preguntei.

-Non te preocupes -dixo. Métete dentro de min, xa verás que ben o pasas.

Eu, cos ollos coma pratos, fixen caso e despois saín a rúa. O sol quentábame a cara, daba gusto pasear por Montevideo. O vestido era vaporoso e como a costureira dixera que eu era moi plana e me faltaba dianteira, puxéralle unha gran lazada. Ía contenta con el, pero era un pesado.

-Nena, camiña dereita, vén un fotógrafo!

-Está ben, pero cala xa!

Eu levaba tanto saleiro que todo o mundo me miraba, o fotógrafo tamén. Fixouse en min, e ensinándome a cámara profesional preguntou:

-Señorita, ¿una foto?

Era tan guapo que non me puiden negar, deume a dirección e cobroume dous pesos, cun sorriso díxome:

-Verás que fotos tan bonitas.

Cando fun buscar as fotos encontrei un solar cunha casa en ruínas. Marchei con rabia, ao chegar á miña casa abrín o armario cabreada e diante de todos estaba o verde.

-Mira, -díxenlle-, grazas ao teu saleiro o falso fotógrafo estafoume dous pesos.

-Iso non é nada, muller, non me digas que no baile non o pasaches ben.

-¡Que gracioso! Claro que o pasei ben, pero non foi grazas a ti, así que métete detrás de todos.

-¡Muller! Non me fagas isto.

-Si é que non quero oírte.

Así se meteu detrás dos outros vestidos, que todos contentos aplaudiron.

-Calade vos tamén.

Niso entra a miña nai:

-Nena, con quen falabas?

-Con ninguén, mamá.

-E que mañá non sei que poñer e falo soa.

-Muller, pon o verde de tela evenglacé que che queda moi ben.

-Ai non, ese non, non, non -e escapei correndo.

María Hermida Martínez. 80 anos. A Coruña. Pensionista.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
30 votos
Comentarios

O vestido verde