Daniel Asorey gaña o premio Repsol fabulando sobre unha república galega e unha Compostela marítima

Armando Requeixo, portavoz do xurado, salientou a «intensa capacidade de fabilación» do autor e que se trata dunha novela «de pegada feminista»


a Coruña / La Voz

¿Que tería pasado si os irmandiños non foran derrotados e fixeran de Galicia unha república con colonias? Pois está contado na novela Nordeste coa que Daniel Asorey Vidal (Compostela, 1970) gañou onte a décima edición do premio de Narrativa Breve Repsol, dotado con 12.000 euros. Armando Requeixo, portavoz do xurado, salientou a «intensa capacidade de fabulación» do autor e que se trata dunha novela «de pegada feminista» que discorre entre o nordeste de Brasil e unha Galicia que posee a Compañía Galega de Indias, cuxos barcos chegan por mar ata Compostela.

Asorey indicou que a obra, que se publicará este ano, está protagonizada por tres mulleres: María Bonita, unha cangaçeira do noroeste de Brasil, «unha bandoleira como Curro Jiménez»; Matilda (homenaxe a Ruth Matilda Anderson), unha fotógrafa que vai ver a María Bonita, e unha vedora do século XVII. «É unha homenaxe á liberdade e á loita do pobo de Brasil, e máis nos tempos actuais, cando acaba de haber alí un golpe de Estado».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos
Comentarios

Daniel Asorey gaña o premio Repsol fabulando sobre unha república galega e unha Compostela marítima