A RAG escríbelle a Carmena para que non mude o nome da rúa Cunqueiro

Afirma que non é «desdouro ningún» que unha rúa da capital leve o nome do escritor mindoniense

.
la voz

O presidente da Real Academia Galega, Xesús Alonso Montero, escribiu, en nome da institución, unha carta dirixida á alcaldesa de Madrid, Manuela Carmena, na que afirma que non é «desdouro ningún» que unha rúa da capital leve o nome de Cunqueiro, en referencia aos plans do Concello de mudar os nomes de determinadas vías para cumprir a lei da memoria histórica. Na carta afírmase que Cunqueiro -académico numerario- é un dos grandes escritores de Europa, en galego e castelán. «Somos conscientes de que, entre os infinitos asuntos que terá enriba da mesa, quizais os seus asesores en cuestións da Memoria Histórica non sempre distinguen con precisión a diferenza entre unha rúa denominada División Azul (ou Millán Astray) e outra denominada Álvaro Cunqueiro», a quen se define como «un home bo, que nunca, na súa condición íntima, se identificou coa violencia fascista», malia non ser «totalmente alleo, arrastrado polos imprevisibles acontecementos [da Guerra Civil], a comportamentos non desfavorables ao franquismo». Polo tanto, a RAG sostén que non é deshonra ningunha que unha rúa de Madrid lembre ao escritor galego, «honra e gloria das Letras Hispánicas do século XX».

Pola súa banda, o grupo municipal do PP de Vigo instou ao Concello de Madrid a «dejar sin efecto» o anuncio de cambiar o nome da rúa, o que sería «un grave error de difícil reparación», e Amigos de los Pazos tamén se opón ao que ve como un «desaire» ás culturas galega e española.

Unha medida absurda

A candidatura de Ahora Madrid incluíu no seu programa electoral a adaptación dos nomes de rúas que vulnerasen a lei de memoria histórica. Cando se coñeceu que nunha lista de posibles vías -algo que o Concello nega ter preparado- figuraba Álvaro Cunqueiro non se deixaron de producir reaccións de oposición ao posible cambio. Institucións, escritores e intelectuais de diverso sino se manifestaron en contra do que cren unha medida absurda.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

A RAG escríbelle a Carmena para que non mude o nome da rúa Cunqueiro