A Academia Galega enxalza o carácter «poliédrico» de Valentín Paz-Andrade

vigo / la voz

CULTURA

Xesús Alonso Montero y Xosé Luis Franco Grande durante la presentación del libro sobre Valentín Paz Andrade
Xesús Alonso Montero y Xosé Luis Franco Grande durante la presentación del libro sobre Valentín Paz Andrade XOÁN CARLOS GIL

O presidente da RAG enxalzou a influencia que tivo a súa obra nos campos da economía, a literatura, a política, o dereito, o xornalismo ou a filosofía, que o configuraron como un dos intelectuais máis destacados do século XX en Galicia

31 ene 2015 . Actualizado a las 05:00 h.

O presidente da Real Academia Galega (RAG), Xesús Alonso Montero, destacou onte o carácter «poliédrico» de Valentín Paz-Andrade. Foi durante o acto de presentación en Vigo do boletín da RAG dedicado de forma monográfica á súa figura. Montero enxalzou a influencia que a obra de Andrade tivo nos campos da economía, a literatura, a política, o dereito, o xornalismo ou a filosofía, que o configuraron como un dos intelectuais máis destacados do século XX en Galicia.

Organizado pola Fundación Penzol na Casa da Cultura Galega, ademais do director da Academia, o encontro contou coa presenza da historiadora Emilia García López, o escritor e avogado Xosé Luís Franco Grande e o editor Gregorio Ferreiro.

 

Clarificador

Xosé Luís Franco Grande, que coñeceu persoalmente a Paz-Andrade, destacou que o volume é «clarificador» porque descobre aspectos novos e non coñecidos da biografía e o pensamento do autor a quen estivo dedicado o Día das Letras Galegas no ano 2012. Afirmou que este tomo que acaba de presentarse está «cheo de sorpresas» e é o mellor que se pode dicir dunha nova publicación porque, así, o seu contido incita ao lector.