«O premio recoñece unha maneira de facer literatura»
A escritora e tradutora luguesa María Reimóndez (1975) resultou gañadora da 31.ª edición do Premio Xerais de Novela, coa súa obra Dende o conflito.
-No 2005 xa foi finalista deste premio. ¿Como o recibe?
-É moi emocionante para min porque Xerais é a miña casa literaria e porque ven dado por un xurado de lectores e lectoras.
-¿Cambiará algo a concesión deste premio?
-Nesta altura da miña carreira literaria ten especial importancia porque é un recoñecemento non só a unha novela senón a unha maneira de facer literatura, unha maneira de entender os libros como ferramentas de intervención na sociedade. É moi gratificante, non é un feito calquera por todo o traballo que hai detrás, e que esta novela continúa.
-¿Como presentaría a súa novela?
-Está encadrada nun proxecto literario bastante complexo de varias novelas que teñen relación entre si, aínda que todas elas pódense ler dunha forma individualizada. É unha xornalista de guerra e o relato do seu conflito, non só os evidentes senón os do persoal, de como nos enfrontamos as persoas ás situacións de inhumanidade, ás veces moi estremas; de que maneira somos capaces de procesar o que vai vivindo a protagonista e como ela vai transformando a súa posición para atopar a súa propia maneira de facer as cousas.
También en La Voz
Detenidos en Lugo por posible maltrato los padres de un bebé de dos meses que está ingresado en la uci
El Open Arms atraca en Lampedusa tras forzar el fiscal su desembarco
