O CDG estrea o sábado o drama autobiográfico do nobel O'Neill

«Longa viaxe cara á noite» trae por primeira vez o teatro norteamericano


Santiago / La Voz

O Centro Dramático Galego (CDG) achégase por primeira vez ao teatro norteamericano e faino da man do premio nobel Eugene O?Neill e o seu drama autobiográfico Longa viaxe cara á noite, un espectáculo que se estrea este sábado no Salón Teatro da capital galega, e que permanecerá ata o 6 de abril para iniciar unha xira que se estenderá ata finais de maio. Con esta produción, o CDG chega ademais aos seus trinta anos de vida, nun momento no que só Cataluña segue a ter unha compañía pública propia, ademais dos teatros nacionais de Madrid.

Na presentación da montaxe, Manuel Guede, director do CDG e tamén deste traballo, lembraba que «cando un ten entre mans un texto como o de O?Neill, as cousas resultan máis doadas». Destacou o traballo de Rodrigo Roel, Fran Veiga, Guillerme Vázquez, Juanjo Amado e María Negreira, do equipo técnico, ademais do elenco de actores, formado por Gonzalo Uriarte, Luisa Merelas, Alberto Rolán e Marcos Viéitez. De feito, hai trinta anos, cando o CDG botaba a andar, «Rodrigo Roel, Gonzalo Uriarte e Luisa Merelas xa estaban aquí. Durante estes trinta anos o Centro Dramático foi acertando e foi errando, pero sobre todo foi medrando».

A compañía de teatro público galego decidiu achegarse ao teatro norteamericano da man de O?Neill por tratarse do que moitos consideran o autor máis importante so século XX e pai da dramaturxia moderna da que son debedores Tennessee Williams, Arthur Miller ou David Mamet, entre outros. A presentación da montaxe serviu tamén para facer un resume do que foron os trinta anos de vida do CDG. Anxo Lorenzo, secretario xeral de Cultura, destacou que este centro «segue a ser un proxecto impresionante para o teatro de Galicia, e unha das súas moitísimas funcións vese moi ben nesta estrea, verter en lingua galega as obras mestras do teatro universal», concluíu.

A obra que o sábado chega a Santiago é a crónica dun día de agosto na vida dos Tyrone, coa que o propio O?Neill volve a vista atrás á súa intensa e dolorosa xuventude. Os catro membros da familia comezan un día alegre que ao longo de catro actos -mañá, mediodía, tarde e noite- vai amosando as frustracións e adiccións do pai, un actor de éxito que non foi capaz de formar un auténtico fogar; dunha nai adicta á morfina; dun primoxénito alcohólico e cínico; e dun fillo pequeno romántico e enfermo de tuberculose, alter ego de O?Neill. A obra, que orixinalmente ten unha duración de tres horas, quedou na produción de Guede en hora e cuarto, «porque dificilmente hoxe o público aguantaría unha función tan longa», apuntaba o actor Gonzalo Uriarte.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

O CDG estrea o sábado o drama autobiográfico do nobel O'Neill