O Fetega premia a obra «Gaivotas subterráneas»

Cándida Andaluz Corujo
c. andaluz OURENSE / LA VOZ

CULTURA

A peza recibiu os galardóns ao mellor actor e espectáculo

07 sep 2013 . Actualizado a las 06:00 h.

O Festival de Teatro Galego de O Carballiño (Fetega) pechou onte as súas portas coa entrega dos premios da súa 24 edición. A obra Gaivotas subterráneas, de Voz Audiovisual, resultou a gañadora deste ano cos premios ao mellor espectáculo e ao mellor actor, que recaeu en Luís Iglesia.

A directora do festival, Josi Lage, subliñou onte a calidade de todos os traballos que pasaron polo auditorio carballiñés dende o pasado martes. Un nivel que se reflicte nas votacións feitas polo público -que foi quen decidiu o premio ó mellor espectáculo- xa que a menor das nota rozaba os oito puntos dos dez totais.

O premio ao mellor actor para Luís Iglesia -que comparte escenario con Xabier Deibe- foi concedido por un xurado que resaltou a súa calidade interpretativa, o seu cambio corporal e vogal e a súa maxistralidade sobre o escenario.