Unha antoloxía que subliña o valor literario excepcional das acoutacións

«Roberto Vidal Bolaño. Acoutacións e diálogos» poderá adquirirse mañá con La Voz por un euro mais un cupón


O libro Roberto Vidal Bolaño. Acoutacións e diálogos poderá adquirirse mañá con La Voz polo prezo dun euro mais o cupón que figura no lombo do xornal. Trátase dunha antoloxía que recolle fragmentos significativos das obras do dramaturgo e tamén eses anacos de texto que habitualmente non chegan ao espectador, xa que as acoutacións, polo xeral, están concibidas para dar as indicacións técnicas necesarias ao equipo que representa a peza. Fragmentos que, segundo sostivo no acto Camilo Franco, responsable da escolma e a da introdución que a precede, adquiren unha transcendencia literaria no caso de Vidal Bolaño. «Hai que tomalos como relatos breves que tiñan a virtude de colocar animicamente ao espectador ante a obra que ían ver», explicou, ao tempo que subliñou o dobre uso dos diálogos como «motores da acción e definidores dos personaxes», con frases que «son como sentenzas, moi do gusto de Vidal Bolaño, que parecía que evocaba un refrán popular, cando o que facía era inventalo».

Alonso Montero tamén se referiu ás múltiples facetas de Bolaño como actor, escritor, director, escenógrafo, iluminador e empresario teatral, «o que lle amosou as grandezas da escena, pero tamén as miserias».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

Unha antoloxía que subliña o valor literario excepcional das acoutacións