proposta de executiva de xesús alonso montero
Secretario
Filólogo, (Muros, 1959). Ingresou na Real Academia Galega no 2012.
Vicesecretario
Teólogo, (Ribeira, 1940) ingresou na RAG en 1980. Ensaísta e filósofo. Premio Trasalba.
Tesoureira
Filóloga, (Pontevedra, 1952). Ingresou no 2003 na Academia. Foi directora do ILG.
Arquiveira
Xornalista. (Castro de Rei, 1951). Ingresou no 2009. Escritora e directora de cine.
Filólogo. (Cambados, 1952). Ingresou na RAG en 1999. Foi vicesecretario na executiva de Ferrín.
Filólogo. (Vilalba, 1958). Ingresou no 2012. Especialista en fonética e fonoloxía e tamén en sociolingüística.
a lista de manuel González
Xesús Alonso Montero deu a coñecer onte a executiva que asumirá a dirección da Real Academia Galega se a súa candidatura sae elixida mañá sábado, lista da que xa se coñecían os nomes de Andrés Torres Queiruga e Rosario Álvarez Blanco e que se completa agora coa incorporación de Margarita Ledo e Henrique Monteagudo. A proposta de executiva queda así formada por Xesús Alonso Montero (presidente), Henrique Monteagudo (secretario), Andrés Torres Queiruga (vicesecretario), Rosario Álvarez Blanco (tesoureira) e Margarita Ledo Andión (bibliotecaria-arquiveira). Pola súa banda, o candidato que encabeza a outra lista, Manuel González, sinalou que ten nomes decididos para as dúas persoas que acompañarán a Francisco Fernández Rei e Xosé Luís Regueira, pero reiterou que non se darán a coñecer ata mañá sábado, no plenario no que se elixirá un novo presidente da RAG.
«Eu comprometinme a manter ata o último momento dous postos baleiros para facilitar un acordo coa outra candidatura e aínda que ese acordo xa non é posible quero manter a miña palabra», explicou González.