As montaxes «Viaxe a ningunha parte» e «Tokio3» son as que acumulan máis nominacións, con dez e nove candidaturas respectivamente
28 feb 2013 . Actualizado a las 06:00 h.Viaxe a ningunha parte e Tokio3 son as dúas montaxes favoritas para a próxima edición dos premios de teatro María Casares, que terá lugar en A Coruña o vindeiro 27 de marzo.
A montaxe da compañía ourensá Sarabela conseguiu dez nominacións pola súa versión da obra de Fernán Gómez Viaxe a ningunha parte. Entre as candidaturas están a de mellor obra, mellor espectáculo e mellor dirección, ademais de mellor actriz secundaria e dúas polos seus actores secundarios.
A outra favorita é Tokio3, de Voadora. Ten nove candidaturas e ademais do espectáculo e a dirección, ten as de actriz e actor protagonista e mellor música orixinal.
A distancia das dúas principais nominadas sitúase, con 5 candidaturas, O método Grönholm, de Talía Teatro, entre elas as de mellor director e mellor actor principal. O musical Galicia Caníbal aspira a gañar en tres categorías, entre elas a de mellor actor secundario.
En total son dezasete as montaxes que conseguiron algunha candidatura na festa dos premios que se celebrou na noite de onte no Pazo da Peregrina, en Ames, presentada por Isabel Risco.