A RAG escolle entre a poesía de Pato e a narrativa de Casalderrey

Camilo Franco SANTIAGO / LA VOZ

CULTURA

A Academia celebra mañá o plenario para elexir á nova académica

17 ene 2013 . Actualizado a las 07:00 h.

Recén superada a crise das contas, a Real Academia Galega celebra mañá un plenario para decidir a entrada dunha nova muller como académica. As dúas candidatas que ten o plenario para debater durante a sesión de mañá son Fina Casalderrey e Chus Pato. Dúas autoras cun perfil radicalmente distinto, aínda que non contrario.

Unha destas dúas autoras ocupará a vacante deixada na RAG polo pasamento de Xaime Isla Couto e ampliará a criticada, por escasa, cota de autoras no plenario da institución.

Tanto Chus Pato como Fina Casalderrey coincidiron en sinalar que vivían o proceso con distancia. Para a primeira o que decida a academia «ben decidido estará», mentres que a segunda apuntou que xa é un «recoñecemento que alguén pense en ti para estar aí». As dúas comentan que non é momento para falar sobre posibilidades e si para deixar que a Academia decida.