Os escenarios protagonizan o inicio do ano Vidal Bolaño

Camilo franco SANTIAGO / LA VOZ

CULTURA

Rubén Ruibal e Miguel Varela, nunha representación de «Criaturas», en Carballo, no ano 2000.
Rubén Ruibal e Miguel Varela, nunha representación de «Criaturas», en Carballo, no ano 2000. J. M. casal

A compañía creada polo dramaturgo, Teatro do Aquí, o CDG e as aulas das universidades sumaranse á homenaxe

02 ene 2013 . Actualizado a las 07:00 h.

Co primeiro día de xaneiro do 2013 vén de comezar o ano que a Real Academia Galega dedica a Roberto Vidal Bolaño como homenaxeado no Día das Letras Galegas.

Desde o punto de vista escénico tres son as producións teatrais anunciadas ata agora sobre textos de Vidal Bolaño. A primeira delas será a que producirá, con estrea prevista en febreiro, a propia compañía creada polo dramaturgo, Teatro do Aquí. Seguindo a dirección do autor, a compañía reporá Criaturas, unha das últimas comedias escritas por Bolaño. Para a montaxe está previsto utilizar case o mesmo reparto que participou na súa estrea.

En Criaturas, Vidal Bolaño utiliza o mito de Frankenstein para recolocalo no medio da xente común dunha cidade calquera na que os seus habitantes non parecen ser menos monstruosos do que o personaxe de Shelley.