Gustavo Pernas: «Os meus personaxes están sometidos á presión atmosférica da sociedade»


Para Gustavo Pernas, o teatro é «algo para o que vivir» e do que intenta vivir. Desde onte forma parte do club de autores galegos premiados co Rafael Dieste e co Álvaro Cunqueiro.

-¿Cal é a relación de «Isobaras» coa obra que está representando agora, «Snakizados»?

-Escribo sempre para representar, aínda que Isobaras quizais sexa moi grande para unha compañía. Creo que entre as dúas hai certas cousas en común, coincide unha linguaxe máis poética e un nivel metafórico que ten relación con outras obras como Footing ou Paso de cebra.

-Falou de superprodución.

-Porque oito personaxes son moitos para o que se monta agora en teatro. Son personaxes que cruzan monólogos, parece que están dialogando, pero non. Son xente que vive baixo cero e acóllese a unha raiola de sol. O que non se pode dicir agora é se deciden facer algo para cambiar a súa situación ou, polo contrario, deixan pasar resistindo sen facer máis.

-Acostuma a agrupar obras por triloxías. ¿Esta é o comezo doutra?

-Non sei aínda. Esta obra está influída por esta crise brutal e os seus personaxes están sometidos todos á mesma presión atmosférica que exerce a sociedade.

-¿Hai posibilidades de representación?

-É unha obra moi minimalista en escena. Con poucos elementos, pero fai falta respaldo económico para tantos actores.

-¿Cal é o papel dos dramaturgos?

-Temos visibilidade a refoladas. Pero temos esa posibilidade única da representación.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Tags

Gustavo Pernas: «Os meus personaxes están sometidos á presión atmosférica da sociedade»