Alberto Ramos gaña o Premio Risco de Literatura con «Todos os días»

O xurado valorou o reflexo da «crise económica e social e os seus efectos sobre a mocidade universitaria dos nosos días»

O escritor Alberto Ramos foi elixido onte polo xurado do Premio Risco de Literatura como o gañador da nova edición deste tradicional galardón que promoven o Concello de Ourense e a Fundación Vicente Risco. A obra Todos os días foi escollida entre os orixinais presentados a concurso por reflectir a novela «a crise económica e social e os seus efectos sobre a mocidade universitaria dos nosos días e en como esta falta de horizontes inflúe na autoestima das personaxes e condúceos á destrución persoal». O xurado tamén salientou da novela que na mesma «van aparecendo como elementos secundarios os ERE, o peche de medios de comunicación escritos, a rivalidade profesional, a falta de expectativas vitais e a contraposición entre a realidade laboral doutros países emerxentes economicamente e a nosa propia».

O xurado do premio, que está dotado con 6.000 euros e a publicación da obra, estivo composto por Adelaida Vidal, Ánxela Gracián, Serafín Alonso e Soedade do Muíño.

Alberto Ramos encetou a súa carreira literaria conseguindo o Premio Biblos-Pazos de Galicia na súa segunda edición, coa súa ópera prima. O galardón para autores menores de 25 anos foille concedido pola obra Dor pantasma, un traballo no que abordaba «toda a tráxica actualidade da desaparición da xente moza». O creador compostelán sumaba outro recoñecemento ao seu traballo literario gañando a novena edición do Premio de Novela por Entregas de La Voz de Galicia. Con acuse de recibo, o proxecto galardoado, foi editado no ano 2010 por Biblos, na súa colección Mandaio.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos

Alberto Ramos gaña o Premio Risco de Literatura con «Todos os días»