«A catalogación BIC do castro tramitarase en breve»


noia/la voz.

O departamento que dirixe, e que depende da Consellería de Cultura, é o encargado de velar polo dilatado patrimonio que se reparte ao longo do territorio galego. O castro de Baroña é unha das prioridades para o seu director, Rey Pichel, quen asegura que unha das novidades máis inminentes será a declaración do xacemento de ben de interese cultural (BIC).

-¿Como é posible que o segundo castro máis visitado de Galicia puidese chegar ao estado no que se atopa actualmente?

-É un xacemento onde se actuou constantemente durante moitos anos, realizando escavacións e mantemento para a súa posta en valor ata o ano 1996. Nos oitenta realizáronse numerosas escavacións e nos noventa traballos de acondicionamento do xacemento para a súa consolidación. Nos últimos anos viuse a necesidade de actuar para regular os seus usos a través dun programa máis ambicioso que contemple todas as actuacións para a súa posta en valor cun plan director, un plan especial e ata a posibilidade dun centro de interpretación do castro.

-¿Que administracións asumirán o custo deste plan especial?

-A Consellería de Cultura e Turismo, a través da Dirección Xeral do Patrimonio Cultural, realizou un estudo previo do plan especial, pero o financiamento do gasto responde ás previsións que se contemplen nesta iniciativa. O financiamento do plan especial depende do Concello do Son.

-¿Que extensión abarca o plan especial deseñado para o xacemento de Baroña?

-Pois abarca todo o ámbito do entorno e, sobre todo, marcará onde se pode acampar.

-¿Pode explicar que inclúe o plan especial para os que non coñezan a súa finalidade sobre o castro?

-O plan especial, aprobado polo Concello, ten como finalidade regular os usos da zona. Despois establece proxectos de execución para o futuro e adoita ter un cronograma.

-E a declaración BIC ¿cando chegará?

-A catalogación BIC do castro tramitarase en breve. Esta categoría outórgalle a máxima protección e a través do plan especial reafírmanse as características do ben. É a máxima protección da lei patrimonial.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

«A catalogación BIC do castro tramitarase en breve»