Raúl Dans gaña o Cunqueiro cun texto protagonizado por mulleres

Xavier Lama foi o gañador do Manuel María, dedicado a textos de teatro para cativos


santiago/la voz.

Os primeiros minutos da Feira Galega das Artes Escénicas foron para lembrar a Suso Díaz, o desaparecido integrante de Sarabela. Os seguintes foron para dar a coñecer a nova fornada de creacións gañadoras dos catro premios de textos escénicos que promove a Agadic.

Os textos son novos, pero as caras dos seus autores son coñecidas. Raúl Dans acadou o premio Cunqueiro, Xavier Lama obtivo o Manuel María e Xosé A. Neira Cruz e mais Inacio Vilariño gañaron os galardóns Barriga Verde. Chegamos despois a unha terra gris é o título da obra galardoada nesta edición do premio Cunqueiro. Raúl Dans gañou este premio en 1994 e volve facelo cunha creación que, segundo o xurado, dá «un tratamento non oportunista dun tema de actualidade».

Xosé A. Neira Cruz é un habitual entre os gañadores de certames literarios e xa lograra o Barriga Verde hai dous anos, no apartado de textos de monicreques para cativos. Neste caso, Neira Cruz gañou o apartado deste premio no que se escollen textos para adultos. Pedra sobre pedra é o título da obra, que para o xurado «ten versatilidade para ser exhibida en grande ou pequeno formato e permite darlle un tratamento novidoso a un motivo artístico tradicional como é o pórtico da Gloria».

Neira Cruz falou do Mestre Mateo para referirse ao «espolio das ideas». Pola súa parte, Inacio Vilariño gañou o premio para cativos con Fábula galénica . Na mesma sesión fallouse o premio Manuel María de textos teatrais para cativos. Foi gañado por Xavier Lama pola obra Os reloxos preguiceiros de Néboa , na que conta como todos os reloxos dunha poboación se deteñen.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Raúl Dans gaña o Cunqueiro cun texto protagonizado por mulleres