21 ago 2010 . Actualizado a las 02:31 h.
A editorial galega Kalandraka e a brasileira Callis veñen de firmar un acordo de colaboración do cal naceu a nova empresa Kalandraka Brasil. Esta editora xa ten no mercado do país americano os seus primeiros títulos: Grão de milho , da galega Olalla González e do suízo Marc Taeger; A zebra Camila , dos galegos Marisa Núñez e Óscar Villán; O leão Kandinga, do camerunés Boniface Ofogo e da zaragozana Elisa Arguilé; e as dúas obras galardoadas co Premio Internacional Compostela de Álbums Ilustrados: Perto, da arxentina Natalia Colombo, e Um grande sonho , do mexicano Felipe Ugalde.