«Quotidianía delirante» de Miguelanxo Prado chega ao Iphone

Continental publicará as tres primeiras entregas do debuxante a finais deste mesmo ano


Miguelanxo Prado acaba de estrear páxina web e anuncia nela un intenso ano de traballo na elaboración do que será o seu novo álbum, Ardalén , e que poderá estar publicado contra finais do ano vindeiro. A finais deste outra novidade na obra do debuxante, Continental publicará Quotidiania Delirante para Ipod Touch e Iphone.

Segundo anuncia a produtora Continental contra finais deste ano aparecerán editados as tres primeiras entregas das debuxadas por Miguelanxo Prado para esta serie editada ata hoxe en distintas publicacións e tamén como álbum.

Mentres a produtora asegura que a edición para Iphone ou Ipod Touch desta serie será «animada e sonorizada» e cunha rotulación en varios idiomas que o usuario poderá elixir. A visualización das páxinas destas tres primeiras entregas anunciadas pola produtora ofrecerán a posibilidade de ser automáticas ou manuais e, segundo Continental, o traballo que se está realizando a estas alturas é alixeirar o peso do motor que move os deseños para que a descarga se poida facer da maneira máis rápida posible.

Para Miguelanxo Prado este novo soporte é unha «variedade do que a Rede pode ofrecer, unha adaptación para pantallas cunha distribución en rede». Para o debuxante aínda hai que saber a aceptación que pode ter o formato entre os lectores aínda que considera que non será «un soporte definitivo».

O debuxante considera que os formatos para estas pantallas pequenas «poden ser ideais para captar novos lectores e mesmo para sobreestimular aos que xa son lectores habituais das historietas, pero aínda non os vexo como o soporte definitivo para unha obra porque creo que a lectura que ofrecen non é a mellor».

Para explicar esta circunstancia Miguelanxo Prado explica que nun principio a intención era «publicar Trazo de tiza para os aparellos, pero eu non vía a maneira de que a historia quedase ben». Sinala Prado que cando se cambiou «para Quotidianía os resultados foron mellores en canto a posibilidade de lectura e por iso decidimos comezar por esta serie».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

«Quotidianía delirante» de Miguelanxo Prado chega ao Iphone