Pablo García Martínez gaña o premio Biblos-Pazos de Galicia cun retrato da mocidade galega

La Voz

CULTURA

11 jul 2009 . Actualizado a las 02:00 h.

Pablo García Martínez, periodista arzuán de 23 anos é o gañador da 5.ª edición do Premio Biblos-Pazos de Galicia para menores de 25 años que se fallou no transcurso dunha cea que na noite de onte reuniu na Casa Grande do Bachao (Santiago) a un cento de personalidades do mundo cultural galego. A obra, que ten o título provisional de Relato dun estalido xordo , comezará agora a súa etapa de redacción definitiva na que o autor contará con Manuel Rivas (que non puido estar presente por atoparse de viaxe) como titor, e que rematará cara a fin de ano coa súa publicación en galego e en castelán.

Noutras edicións do concurso os gañadores remataron as súas novelas axudados por autores consolidados como Xosé Luis Méndez Ferrín ou Agustín Fernández Paz.

Con Pablo García Martínez foi finalista Zeltia Regueiro Fuentes, de Cambre (A Coruña), tamén presente na cea e que recibiu unha placa conmemorativa.