O mellor condutor de España: «A miña debilidade ao volante é a cocacola e esa só dá positivo en azucre»

Unha «app» de seguridade viaria acaba de recoñecer a este carteiro como o mellor condutor

El mejor conductor de España está en Galicia Vecino de Vilasantar, su tarea diaria es repartir cartas por Teixeiro. Este cartero rural puede presumir de haber cometido cero infracciones

Vilasantar / La Voz

Juan José Seoane pasou o día de onte recibindo felicitacións dos veciños de Teixeiro (Curtis), lugar da sede onde traballa como carteiro, e tamén en Vilasantar, a súa vila de orixe e residencia e tamén lugar de reparto. Porque esta semana converteuse no condutor modélico de toda España logo de gañar o concurso dunha aplicación de móbil, DriveSmart, que vixía os movementos e as destrezas ao volante valéndose das coordenadas. É como ter un pequeno axente da Dirección Xeral de Tráfico no móbil. A compañía de Correos, para a que traballa, non dubidou en facer pública a exemplar nova. Dende La Voz de Galicia acudimos onte á mañá a falar con este modélico cidadán ao volante, de 47 anos, casado sen fillos, e sen medo ao frío: pasou a mañá respondendo a xornalistas ataviados en cadanseu forro polar vestindo só unha camiseta corporativa de Correos de manga curta. Propoñemos entrevistalo mentres fai o reparto. Acepta o reto.

-Arrancamos?

-Veña, imos aló.

-Ten todos os puntos?

-Os do carné ou os da aplicación do teléfono?

-Xa postos…

-Ben, dá igual, téñoos todos.

-Ten que ser complexo respectar as velocidades a diario cando un se dedica a repartir correo polo rural.

-Pero temos o que eu chamo o «horario do bocadillo», e iso aínda permite facer o traxecto de xeito máis relaxado.

-Pasa moitos controis de alcoholemia?

-Ui, mimá, moitos, sobre todo polas mañás. Pero iso si, sempre dou 0,0.

-0,0? Nunca deu cero cun chisquiño de nada?

-Nada, ninguén pode dicir que vou tomando alcohol. De feito, non o tomo nin ás comidas. A miña debilidade ao volante é a cocacola, e esa só dá positivo en azucre.

-E como se meteu a isto da aplicación de seguridade viaria?

-Pois a través dunha revista especializada en motor. Anunciaban esa aplicación e naquel momento, se gañabas, dábanche a oportunidade de probar un coche. E eu tiña moitas gañas de probar un coche eléctrico. Despois seguín, e cada mes a propia aplicación propúñache os seus retos: os seguros, o aforro de carburante… e ao final gañei. Enviáronme un correo de que gañara 300 euros. Neste último mes competía con 2.700 condutores de toda España, na aplicación podía seguir os primeiros clasificados e vía que os tiña moi cerca. Ao final houbo sorte.

-E por que doar os cartos ao colexio de Vilasantar?

-Porque alí estudei eu. É necesaria a concienciación ao volante dende cativos. Perdín un primo en accidente de tráfico na autovía de Ribadeo, tiña 29 anos.

-[A néboa acompaña a viaxe] Coa néboa tardarase máis.

-Hoxe non hai tanta, o importante é ver o nome das cartas [ri]. Indo amodo non hai problema.

-Cantos coches hai na casa?

-Tres, pero gústame cambiar cada poucos anos cando saen novas tecnoloxías no sistema híbrido, por exemplo. Tampouco perdo moito co troco.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
15 votos
Comentarios

O mellor condutor de España: «A miña debilidade ao volante é a cocacola e esa só dá positivo en azucre»