A panadeira di que botaronlle as fochancas uns cubos de cemento, pero teme que non aguantarán ben moito tempo
07 dic 2018 . Actualizado a las 12:48 h.Estrella Buyo estaba farta das fochancas que tiña na rúa, diante da súa panadería. Pediulle ao Concello de Miño que as reparase, pero fixérono de xeito provisional e aos poucos días volveron aparecer. Farta de que non se solucionase o asunto, colleu unha cana, unha cadeira de praia e púxose a pescar nas fochancas desde a beirarrúa.
-Tanto lle molestaban os buratos na rúa?
-É unha vergonza, pasan os coches cando están cheos de auga e salpícannos a nós, ao repartidor e mais aos clientes.
-E a idea de pescar?
-Decidín facelo porque troncei unha roda do coche nunha fochanca máis adiante.
-Funcionou a súa forma de protestar?
-O de pescar funcionou, porque viñeron arranxalo, botáronlle uns cubos de cemento, pero iso non axuda porque dentro duns días vai estar igual.
-A súa pesca fíxose viral. Tivo moitas chamadas?
-Chamoume todo o mundo, até desde Canarias.
-E do Concello?
-Non, o Concello non chamou.
-E se a reparación non dura?
-A anterior non valeu para nada. A ver como vai a cousa.