Un sacerdote que traballou 23 anos cos fregueses do Burgo

Mañá celebrarase una misa por José Ferreiro García na Coruña


ribeira / la voz

José Ferreiro García naceu na parroquia de Santa María de Soutullo, na Laracha, e tras estudar no seminario de Santiago ordenouse sacerdote en agosto de 1959. O seu primeiro destino estivo na capital compostelá, no Castiñeiriño, e logo de traballar noutras vilas recalou en Boiro no ano 1987. Aínda que só estivo seis anos ao cargo da parroquia de Santa Baia do municipio barbancés, o seu traballo deixou unha fonda pegada entre os seus veciños. De feito, foi o primeiro sacerdote que impartiu unha misa en galego, e aqueles que o coñeceron destacan «o seu profundo amor por Galicia e pola Igrexa». O cura Marcelino Sánchez coincidiu con el e destacou que era unha persoa moi querida, sinxela e humilde, ademais de moi culta. «Sabía moitísimo de historia, arte, teoloxía e filosofía», apuntou, ademais de sinalar que sempre estaba axudando ás persoas máis humildes.

A enfermidade de súa nai fixo que José Ferreiro cambiara Boiro pola parroquia de Santiago do Burgo, en Culleredo, onde estivo traballando 23 anos ata que lle chegou a hora da xubilación. Precisamente alí celebrouse o seu funeral. Mañá, ás 12.00 horas, terá lugar outra misa na igrexa da Milagrosa na Coruña, que será oficiada polo arcebispo de Santiago.

Conoce nuestra newsletter con toda la actualidad de A Coruña

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
1 votos
Comentarios

Un sacerdote que traballou 23 anos cos fregueses do Burgo