pai de Fernando Penas Sánchez (Paderne, 1958) herdou unhas fincas que decidiu converter en soutos, agora a familia complementa a economía familiar coa recollida de castañas neste tempo.
-¿Canta castaña recollen?
-Varía moito dun ano a outro, este ano collemos bastantes menos, uns 2.000 quilos. Temos moitos castiñeiros que non dan castaña para a venta, que da castaña moi rica para comer, pero non vale para a venta porque o que vai a froitería quéreas boas.
-A xente quéixase de que este ano hai poucas.
-Si, veu menos, non sabemos o motivo, pero eu penso que é polo tempo.
-¿E o prezo?
-Foi un pouco máis baixo, o motivo foi o tempo. Porque colleu uns días moi bos de sol e de calor e entón a xente non lle apetece tanto coma un día de frío. Vendeuse máis mal, este ano cobramos 1,60 euros o quilo, cando o ano pasado cobrámolo a un 1,80.
-¿Como é a castaña da zona?
-Aquí é moi boa, moi boa. Levamos anos vendendo as mesmas persoas e din que é boa.
-¿A quen venden?
-Nos facémolo no mercado central da Coruña. Cando o meu pai comezou a vender intentouse vender a froiterías e a supermercado, pero só che collen unhas poucas e habería que buscar máis locais, pero nós non nos dedicamos a castaña, temos outro negocio. Nós témolas e agradécense eses cartos, pero é moi custoso, tamén hai que dicilo.
-¿Apáñannas vostedes sós?
-Si, apañámolas os da casa. E lévannos unhas tres semanas, ao mes é difícil que chegue.
-¿Teñen problemas cos que lles van a elas?
-Aquí non hai problema. Máis ou menos todo o mundo ten castañas para consumo propio. Sempre hai alguén que che vai a elas, pero non é un roubo.
O
Fernando Penas Sánchez
Produtor de castañas
Fernando Penas Sánchez, xunto a un posto de castañas na feira de Santos en Betanzos
«Aquí é moi boa, moi boa, pero tamén é un negocio custoso»
[Dolores Vázquez]