20 ago 2014 . Actualizado a las 06:56 h.
O deportista do ADC Raspa de Vilagarcía Ricardo González segue a fixar novas marcas. A última, a de ser quen de sumar seis triunfos consecutivos no Circuito Galego de Pesca Submariña. Catro nas probas do 2011, e dous nas do presente ano, logo de que, explican desde o seu club, a xustiza deportiva sancionara e inhabilitara o entón presidente do FEGAS por ter suspendido dous anos a un Ricardo González ao que obrigou a readmitir como deportista da federación galega.
Cunha pesca de 28 pezas de pintos e de maragotas, das que 23 superaron o quilo de peso esixido, Ricardo González gañou a proba organizada polo Club de Mar San Amaro da Coruña a pasada fin de semana.