«As mulleres tardan unha eternidade en elixir o que van comprar»

Iolanda Fernández

A CORUÑA CIUDAD

06 jul 2008 . Actualizado a las 02:00 h.

Aínda que todas as mulleres soñan cun un marido coma Richard Gere en Pretty Woman, a realidade é moi distinta. É certo que os tempos cambian e a mentalidade tamén, pero paulatinamente, iso si. Un bo exemplo disto é Fernando Corral (Cospeito, 1979), un abnegado marido e un compañeiro ideal para visitar tódalas tendas da capital nas rebaixas.

-¿Vir de compras coa túa muller é unha obriga?

-Non, para nada. Aínda que non me creas, fun eu quen a animou.

-Aínda así, parece que te estás aburrindo.

-Máis ca aburrido, estou canso. Traballo pola noite. Pero ir de compras non é aburrido en absoluto.

-¿Por que cres que os homes non sodes moi dados a isto?

-Pois, porque as mulleres miran moito, tardan unha eternidade en elixir o que van ou queren comprar. Nós somos máis rápidos. Non sei, máis prácticos. Eu, por exemplo, a primeira cousa que me gusta xa a compro e non miro máis.

-Hoxe é o primeiro día e o último...

-Non, mañá iremos á Coruña. E hoxe, aínda acabamos de comezar. Primeiro percorremos o centro da cidade e logo acercarémos ata As Termas.

-Entón, a tarxeta de crédito periga, ¿non?

-A verdade é que a min iso nunca me preocupou. Traballamos os dous e, ademais as tarxetas son para usar, e máis nestas datas.