Rubén Riós: «O documental foi unha labazada de realidade que me cambiou totalmente»

A Semana Internacional de Cine de Betanzos finaliza hoxe coa proxección do documental «Máis ca vida»

.

betanzos / la voz

A Semana Internacional de Cine de Betanzos finaliza hoxe coa tradicional alfombra vermella e a proxección do documental Máis ca vida do director e actor ourensán Rubén Riós. Un traballo que conta coa actuación do «animal cinematográfico» Javier Gutiérrez ao que a localidade lle dedica este ano a mostra, e que estará presente hoxe na clausura.

-Como actor participou en series de éxito como Libro de familia ou Matalobos. Cando soubeches que querías dedicarte o mundo escénico?

-Eu era un rapaz con hiperactividade e déficit de atención. Un día unha mestra preguntou quen quería facer a obra de fin de curso e curiosamente a min non me gustaba estudar, pero si era un guión si. Fun o protagonista e foi a primeira vez que me dixeron moi ben. Entonces dixen que quería ser actor.

-O seu último traballo é un documental con persoas con diversidade funcional. Como xurdiu?

-Ía ser unha curtametraxe que nos levaría dous meses e medio. Finalmente o proxecto pasou a ser tamén un documental que ocupou dous anos e medio da nosa vida e que agora se converteu nunha metodoloxía de ensinanza escolar.

-Que lle aportou este traballo?

-Cambioume todo, tanto persoal como profesionalmente. É un documental que o ves e che cambia. Cando comezamos o proxecto leveime unha labazada de realidade. Dinme conta do importante que é utilizar o cine como ferramenta de inclusión, non solo social senón laboral. Logo a min me cambiou a forma de tratar e mirar cara as persoas por dentro deixando a un lado a carcasa. Son persoas discapacitadas e ás veces por iso non nos paramos a ter unha conversa con eles, non os tratamos mal, pero en certa forma por descoñecemento os miramos doutra forma. Eles ensináronme moito.

-Que significa para vostede estar presente na Semana de Cine de Betanzos?

-Eu na vida creo nos valentes e creo que é un acto de valentía facer un festival destas características polo que para min é un pracer poder poñer o noso grao de área. Só me queda darlles ás grazas por deixarnos formar parte.

-Cales son os seus próximos proxectos?

-Acabo de rodar El camino de la verdad co que fixen o Camiño de Santiago con persoas con parálise cerebral e foi moi gratificante. Ademais coa miña produtora Claqueta Coqueta estamos desenrolando formatos para outras produtoras nacionais e internacionais. E dende hai 11 anos organizo na miña terra un festival de artes escénicas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Rubén Riós: «O documental foi unha labazada de realidade que me cambiou totalmente»