Bieito Romero: «Queremos que veña a familia enteira a gozar da fraga»

O Festival de Sisalde celebra a súa segunda edición este sábado, con música dende o mediodía ata a medianoite

.

Este sábado terá lugar en Arteixo a segunda edición do Festival Folk Río Sisalde, unha iniciativa nacida da man de Bieito Romero, de Luar na Lubre, grupo que pechará o encontro cun concerto.

-Segunda edición, o que significa que a primeira funcionou.

-Pois si que nos sorprendeu moitísimo a cantidade de xente que veu o ano pasado. E non só iso, senón que todos entenderon perfectamente o espírito deste festival, que case o poderiamos definir como unha romaría con música.

-Para toda a familia.

-A intención é esa, ter unha festa durante todo o día para todo tipo de públicos, para que veña a familia enteira a gozar, que imos ter xogos infantís durante toda a xornada. Aquí atoparán onde comer e incluso postos onde comprar a comida se non a queren traer.

-A contorna é impresionante.

-É un lugar máxico, unha fraga da que temos que gozar e darlle valor, pero, sobre todo, que temos que coidar. A intención é que ao día seguinte ao festival o contorno se atope igual ca antes do noso paso, se non mellor. Iso é fundamental.

-A quen atopamos no cartel?

-Pois vai pasar un lote de xente! Estarán un montón de grupos folclóricos de Arteixo, pero tamén xente de máis alá. A xente de Triskell, Arume da Laracha, As Revolteadoras de Arteixo, Queiroa de Uxes, Xiradela, Dequenvessendo ou a banda de gaitas de Abelladeira, que veñen dende O Bierzo. E xa pola noite actuarán Briganthya, de Euskadi, e nós, Luar na Lubre, con moitos invitados. Contaremos con Óscar Rosende, de Brothers in Band, que, por certo, é primo meu. Tamén estará a cantante asturiana Marisa Valle Roso, o dúo Camándula ou Irene Cerqueiro, que é a filla da primeira voz que tivo Luar na Lubre, Ana Espinosa.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos
Comentarios

Bieito Romero: «Queremos que veña a familia enteira a gozar da fraga»