O concurso literario da compañía celebra o seu décimo aniversario
20 jul 2017 . Actualizado a las 05:00 h.O Concurso Novos Talentos de Relato Curto celebrará o seu décimo ano de existencia na cidade contando un ano máis coa colaboración de Coca-Cola. Así anunciárono onte o secretario xeral de Política Lingüística, Valentín García, a subdirectora xeral de Planificación e Dinamización lingüística, Elvira Casal, e a xefa do servizo do Centro Ramón Piñeiro para a Investigación en Humanidades, Ruth Otero Vilar, durante a súa visita na fábrica coruñesa de Coca-Cola. O concurso, no que xa teñen participado máis de tres mil mozos galegos, leva nove anos celebrándose como mostra da aposta de Coca-Cola polo fomento do uso do galego. Impulsa ademais a creatividade entre os máis novos na realización de relatos curtos en lingua galega, traballos que os rapaces entregan na representación dos seus centros de estudo. Raquel Canabal foi a gañadora autonómica da edición anterior.