Camiño no solpor entre prehistoria e fidalgos

Unhas trinta persoas coñeceron o patrimonio de Berdoias cunha visita guiada

Na ruta participaron persoas de todas as idades.
Na ruta participaron persoas de todas as idades.

CARBALLO / LA VOZ

Había en Berdoias un señor fidalgo ao que lle gustaba a construción. Cando comezaba o século XVII déuselle por cambiar a igrexa parroquial de sitio. Estaba na Grixoa (como indica o topónimo) e creou unha nova máis céntrica na que mandou gravar o seu nome: Alonso de Lema. Pero non quedou niso; tamén deixou a Torre familiar para ir a unha nova casa, que aínda hoxe conserva no seu lintel a data de construción: 1607.

Berdoias leva a fidalguía gravada na súa historia, tanto é así que aínda hai pouco que os veciños pagaban impostos en ferrados polas terras que traballaban. Así o contaba Carmen Limideiro, pandeireteira que se apuntou a explicar a historia da súa aldea aos camiñantes que realizaron a pasada ruta do Vimianzo, Historia Viva, as visitas que se realizan todos os sábados do verán polo concello soneirán.

Despois dos fidalgos, pasouse á Idade do Bronce. A referencia máis antiga é a Casota de Freáns, con máis de catro mil anos de historia e que se debate entre dolmen e cista.

Coa axuda dunha lanterna os participantes nesta saída puideron observar os seus gravados: cruces e cazoletas, similares ás que presiden as rochas do Pedrouzo. Unha estación de arte rupestre descoñecida para o gran público que amosou os seus enigmáticos deseños aos visitantes á luz dos focos na chegada da noite. Círculos, raias e até un corazón. Petróglifos sen significado certo que trasladan ao pasado, moven a imaxinación e que forman parte xa da historia de Vimianzo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

Camiño no solpor entre prehistoria e fidalgos