Luís G. Soto considera inxustas as resistencias que aínda sofre Pondal

O autor guiou a penúltima Cova Céltica deste ano na sede da Fundación pontecesá


Luis García Soto, profesor de Filosofía Moral da Universidade de Santiago, foi o protagonista da penúltima Cova Céltica da Fundación Pondal. Celebrouse o sábado, tamén na lareira do Couto. Outros e novos Queixumes, o título do seu libro pondaliano, foi o tema da conversa. Xa no ano 1986 fixera unha aproximación á obra do bardo cun traballo sobre a Campana de Anllóns.

Apuntou García Soto que hai «moitas resistencias e dificultades para falar de Pondal». Deste xeito, opina que o poeta de Ponteceso non foi tratado da forma debida no centenario da súa morte. «Foi todo moi clandestino», afirmou. E todo se debe a erros na interpretación da súa obra, na que aparecen voces múltiples, incluídas femininas. «Hai cantidade de bardos e cada un ten a súa voz», comentou. Por exemplo, cando nomea a Lucifer, non o fai no sentido católico, senón co significado clásico do que trae a luz. E así noutros moitos casos. Pondal é moi difícil de interpretar.

Lamentou que Queixumes dos Pinos non estea traducido ao castelán. Tería outra transcendencia, cre. Diferenciou entre Os Eoas, texto canónico, e Queixumes, que é «rupturista», no que o poeta dixo «o que hai que dicir e como o hai que dicir». O tamén autor do Labirinto da Saudade sinalou que Pondal detestaba o «o mundo tradicional no estado no que está», no seu momento.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
9 votos
Comentarios

Luís G. Soto considera inxustas as resistencias que aínda sofre Pondal