Maio volve traer o milagre das Festiletras

Música, ciencia, artesanía, tradición e mundo rural son as bazas da celebración pontecesá

.

carballo / la voz

«¿É cousa de ciencia ou de maxia?», inquire unha das actividades. Atendendo a esta celebración que se aveciña, ben podería ser ciencia -artellar e unir tantas vontades para lograr forxar cada ano un programa autenticamente referente e de agrado común- e ben podería ser maxia: ¿como a aldea do Couto, en Ponteceso, consegue converterse nun punto de peregrinación cultural no tempo das Letras Galegas? Efectivamente, volven as Festiletras. Son 36 edicións as que se cumprirán neste 2018, con actos xa tan asentados como a entrega dos Bos e Xenerosos; con actividades constantes, mañá e tarde, e, tamén, con novidades sempre encamiñadas cara ao futuro do mundo rural. Este ano, un dos proxectos que traen alento é a Festiciencia, a primeira feira científica da Costa da Morte: serán dous días, o 17 e 18 de maio, de talento novo e vizoso.

Fetén Fetén, Tanxugueiras, Mounqup, Txarango, Igmig ou Sés con toda a súa banda forman parte dun menú musical que estará completado polo talento de creadores como Yoseba MP ou por citas tan especiais como a lembranza ao cormelán José María Mosqueira Manso, así como a tan lonxeva Feira de Artesanía, ou o tempo de regueifa. Entre o 16 e o 20 de maio, a meirande celebración das Letras estará nunha aldea que lle suma ao talento local o talento global, abríndose así ao mundo, ás voces. Dende a organización agradecen a todos os colaboradores institucionais e privados e, sobre todo, aos voluntarios e ás voluntarias que fan posible «o milagre». É ciencia e tamén é maxia. Asi vén o programa: 

Mércores 16 de maio. Bos e Xenerosos

20.30. Vésperas con campás, foguetes e a banda de gaitas Inllar.

21.00. Inicio do acto. Clara Amado interpreta «Ponteceso». Entrega dos premios Bos e Xenerosos a Marilar Aleixandre, Xaquín Marín, Quico Cadaval e Sés. Fin da velada con «Sabor a Galicia», na lareira da Fundación.

Xoves 17 de maio: Día da Internet

Na sede da Fundación

11.00. Workshop de Ciencia Cidadá, con José Viñas. Tamén «Fenómenos do rural», con Yoseba MP.

12.45. Gravación do programa «Efervesciencia» (Radio Galega).

13.30. Sesión Terras Gauda con Woodoo.

16.00. Xeocoaching tecnolóxico.

17.00. Yayotech.

Na Casa dos Veciños

18.00. «Ciencia ou maxia?», con David Ballesteros e o Mago Antón.

20.00. Actuación de Fetén Fetén.

21.00. A morte coa ciencia: láser graffiti en lugares da comarca.

22.00. Ciencia para insomnes, no piñeiral e na praia de Balarés.

22.00. Observación de estrelas con Jorge Mira, tamén en Balarés.

Venres 18 de maio: Festiciencia

Pola mañá

De 10.00 a 14.00. Feira de proxectos. Espectáculos «Arpexios de ciencia». Obradoiros paralelos: taller co CSI, construción e programación de robots, postas en escena... Gaiteiros do Centro Coreográfico Galego; Gloria Mosquera con «Mamá Cabra»; lembranza ao científico cormelán José María Mosqueira Manso; Os Quinquilláns; obradoiros do CSIC en Balarés e Joseba MP cos seus «Fenómenos do rural» completan a mañá.

Pola tarde, na Fundación Pondal

De 15.30 a 18.30. Feira de proxectos.

19.00. Entrega de premios.

20.00. Café científico. Con Jorge Mira.

Pola tarde, na Casa dos Veciños

21.00. «Océano para terrícolas», con Xurxo Souto. Salitre.

22.00. Actuación das Tanxugueiras. Música para aledar o corpo.

23.00. Clase maxistral de Xabi Solano. Una noite de aprendizaxe.

Sábado 19 de maio 

Sede da Fundación Pondal

11.00. Quinta edición do Encontro de Aldeas Singulares. Un panel de experiencias sobre proxectos que están levando unha nova vida, unha vida de futuro, ao mundo rural. Nova velada para o encontro.

13.00. Inauguración da 36.ª Feira de Artesanía.

14.00. Sesión vermú. Etnográfico de Vilanova dos Infantes e grupo Castro Floxo, da Deputación Provincial de Ourense.

17.00. Encontro de Literatas.

18.00. Regueifa con Alba María e Lupe Blanco.

20.00. «Porondeomeucarropasa», un percorrido pola música tradicional con Xa era hora, O Son do Castro, A sona de Bergantiños e Farrapos.

Pola noite, na carpa central

23.00. Actuación de Mounqup, Txarango e Igmig.

Domingo 20 de maio: música e artesanía

Pola mañá

Seda da Fundación Pondal

11.00. Segue a 36.ª Feira da Artesanía. Espazo «Deleite» con música de Cé Orquestra Pantasma e Pakolas. Tamén conta contos de Anxo Moure e obradoiros de Naturizo.

12.30. Ofrenda floral da Fundación Manuel María. A coral A Oliveira, do Couto, interpreta «O Carro».

13.00. Actuación de Inllar

14.00. Sesión vermú con Terbutalina.

17.00. Concerto de Sés, con toda a súa banda.

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Maio volve traer o milagre das Festiletras