Un encontro coa política e a historia

Setenta escolares de Ponteceso fan unha visita ao Parlamento de Galicia e son recibidos por catro deputados


carballo / La Voz

Corría o 2 de marzo de 1856. Obreiros, artesáns e estudantes danlle un golpe ás convencións sociais, políticas e culturais de Galicia celebrando un banquete na Carballeira do Belvedere de Conxo. Os poetas e universitarios sérvenlle a comida aos traballadores. Eduardo Pondal, daquela mozo, foi un dos protagonistas deste histórico acto, que tivo importantes repercusións, incluso represivas para moitos dos participantes. O encontro coincidía co décimo aniversario do fusilamento dos Mártires de Carral.

A Fundación Pondal conmemorou onte o acontecemento organizando un encontro de escolares de Ponteceso con deputados dos catro grupos parlamentarios. e unha visita á Cámara do Hórreo. Setenta nenos dos colexios de Ponteceso e Corme foron recibidos por Aurelio Núñez Centeno (PP), de orixe cormelá; Antón Sánchez García (En Marea), Begoña Rodríguez Rombo (PSOE), de Cerceda, e Xosé Luis Rivas Cruz, Mini, (BNG). Ao fronte da expedición ían os responsables da comunidade educativa de ámbolos dous centros, o concelleiro Carlos Penedo e un representante da Fundación Pondal. O acto forma parte do programa posto en marcha para conmemorar o centenario da morte do poeta.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Un encontro coa política e a historia