A cousa anda cambiante, igual que lle pasa ó tempo

Nova entrega da regueifa semanal a cargo da coristanquesa Lupe Blanco


Buenos días coa regueifa

que improviso no momento

a cousa anda cambiante

igual que lle pasa ó tempo

E fágovos un repaso

que a cousa hai que contala

isto é o destacado

do que pasou na semana

Hoxe vai todo de cambios

que disque vai vir o verán

por iso Carballo cambia

polas festas do San Xoán

Que sacou Evencio o bando

para os que vivides nos pisos

podedes asar sardiñas

que vos van dar o permiso

Pero disque hai que avisare

día e hora do asado

así algún do Concello

xa se dá por invitado

E de cambios vai a cousa

isto sempre baixa e sube

que hai parroquia dividida

por culpa da «be» ou da «uve»

Eu coñezo o lughare

en Verdillo teñen tema

se lle puxeran Piñeiros

acabábase o problema

O problema teno Lires

e prestádeme atención

disque hai unha semana

que non ven a televisión

Pasa o cable pola ría

por extraño que pareza

conectada no privado

o carallo é que a vexan

E vamos seguir cambiando

que xa está aí o verán

eu invito a que vaiades

a Malpica a San Hadrián

Volvo co vocabulario

pode que tivera un bache

que quedo moi pensativa

de saber se é con hache

Xa vos dou a despedida

de parte da regueifeira

as letras están para usalas

que as lean como queiran

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

A cousa anda cambiante, igual que lle pasa ó tempo