Habilitada a reserva de entradas para a estrea en Lugo de «O que arde»

Os Codex Cinema proxectan desde o xoves 10 o filme de Óliver Laxe


Lugo acolle, como o resto de España, a estrea o xoves 10 do filme O que arde, de Óliver Laxe, da man de Numax Distribución. A película, que conquistou os grandes festivais internacionais e tamén aos veciños de Navia de Suarna no pase da semana pasada, proxectarase nos Codex Cinema (Praza Viana do Castelo), para o que xa habilitaron un sistema de reserva de entradas debido ao interese mostrado polo público.

Aínda que non é obrigatorio reservar entrada, quen queira asegurar a súa presenza nos pases pode gardar o seu sitio enviando un correo electrónico a codexcinema@gmail.com e indicar o seu nome e apelidos, número de teléfono, a sesión á que quere acudir (día e hora) e o número de entradas a reservar (máximo de dúas por persoa).

Os Codex Cinema converterán O que arde na protagonista absoluta da súa billeteira con proxección en todas as franxas horarias e acordando pases matinais para grupos escolares. Mais o día grande chegará o mércores 16, cando o cineasta Óliver Laxe visite os Codex para presentar el mesmo o filme a todos os lucenses.

Pases para ver O que arde:

· Venres 11: 18.30, 20.30 e 22.15 horas

· Sábado 12: 18.00, 19.45, 22.00 e 22.30 horas

· Domingo 13: 18.15, 20.00 e 22.00 horas

· Mércores 16 (presentación do filme a cargo de Óliver Laxe): 18.00, 20.30 e 22.00 horas

Por outra banda, os Codex Cinema tamén proxectarán o 5 de decembro outra premiada película lucense da man de Numax, Longa noite, unha reflexión sobre os conflitos nunca resoltos da ditadura franquista a través das paisaxes e dos vestixios do pasado.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Habilitada a reserva de entradas para a estrea en Lugo de «O que arde»