El funeral y entierro serán esta tarde, en la iglesia de Sardiñeiro
28 jul 2018 . Actualizado a las 05:00 h.«Un exemplo de vida, un espello onde mirarse, faro que por sempre nos iluminará, alén dos mares. Sempre boa e xenerosa! Grazas mamá, avoa, bisavoa e tararavoa. 99 anos de historia, e pedazo historia». Así despedía ayer Casa Lestón (Sardiñeiro-Fisterra) a Ana Suárez Insua, uno de los pilares de este establecimiento. Tuvo 4 hijos y, entre sus nietos, Julio Castro Marcote, director del parador Hostal dos Reis Católicos, y Alberto Castro, actual responsable de Casa Lestón. El funeral y entierro serán esta tarde, en la iglesia de Sardiñeiro. Salida del cadáver a las 16.30.
Memoria dun século
Modesto Fraga
Despois de cumprir os 99 anos, deixounos Anita do Lestón, a matriarca dos fogóns da Costa da Morte e unha das persoas máis entusiastas que coñecín nunca. A súa foi unha vida apaixonante, lendaria, máis propia dunha personaxe do cinema que da vida real. Muller emprendedora, de forte carácter, foi quen de manter en pé xunto coa súa familia e ata o derradeiro alento o decano dos restaurantes da Costa da Morte e de Galicia, a Casa Lestón de Sardiñeiro. As persoas que tivemos o privilexio de traballar ao seu carón e coñecer o seu innato vitalismo somos conscientes de que hoxe perdemos un irremprazable referente profesional, pero o seu legado humano é de tal magnitude que vivirá connosco para sempre a través dos sabios consellos recibidos ao longo de tantos anos. Con Anita do Lestón vaise, ademais, a memoria dun século intenso de vidas vividas plenamente: os seus ollos viron nada máis e nada menos que as dúas grandes guerras mundiais, a guerra civil española, a posguerra, a ditadura franquista ou a chegada da democracia. Asemade, as súas mans, as do traballo, contribuíron a manter vivo o negocio familiar herdado dos seus antepasados e que hoxe, cen anos despois, continúa alumeando coma un facho a máis elevada gastronomía desta Costa da Morte nosa que hoxe acolle na súa terra unha das súas fillas máis boas e xenerosas. Boa viaxe polo Alén, querida Anita.