A pregunta de quen é Eduardo Pondal e onde viviu sobra facerlla a Esteban Rey, que recita sen problema algún a importancia do bardo e o feito de ter nacido ao lado do Anllóns. Pero o cuestionario vai máis alá:
-¿En que lugar da Costa da Morte intentaron aforcar a George Borrow?
-Buf.. ¡nin idea!... ¿Fisterra?
-¡Correcto!
-Soábame, pero...
-¿Cando foi a última vez que lle pasou o ferro a algunha prenda?
-Onte [xoves] pola noite, para a cea. Pranchei unha camisa.
-¿En que municipio hai un museo de pedras ao aire libre?
-Cabana, polo dolmen de Dombate e o castro de Borneiro.
-Pensabamos nos Penedos de Pasarela e de Traba...
-Ah, claro, ¡tamén!
-¿Un lugar de la comarca?
-Area das Vacas, en Canduas. É unha cala moi pequeniña dende onde se ve toda a entrada do río Anllóns e a ría de Corme e Laxe. Penso que esa é a miña esquina.
-¿Onde e cando son as festas da Xunqueira?
-Ser son en Cee, cando... ¿Agosto?
-¿Cal é a revolta máis famosa da Costa da Morte?
-A dos irmandiños, o Asalto.
-¿Mar ou montaña?
-Ser son de montaña, pero de montaña pegada ao mar, onde se vexa.
-¿En que lugar da Costa da Morte estivo preso o arzobispo Alonso II de Fonseca?
-Nin idea... Eu son de ciencias, ¿eh? Son veterinario [ri]. Por dicir algo: ¿as torres do Allo?
-Case, o castelo de Vimianzo.
-¿Unha festa?
-A Feira-Exposición-Paseo do Cabalo de Ponteceso, claro.
-Veña, un defecto...
-Moitos. Pero quizais a présa.