Os promotores do Camiño de Inverno organizarán este ano 19 viaxes

monforte / la voz

FISTERRA

21 ene 2012 . Actualizado a las 06:00 h.

A asociación Camiños a Santiago pola Ribeira Sacra ten previsto organizar durante este ano dezanove percorridos culturais, cinco dos cales discorrerán por diferentes tramos do Camiño de Inverno. O primeiro deles levarase a cabo mañá entre A Pobra do Brollón e Monforte, con saída na praza monfortina da Compañía ás nove da mañá. As demais viaxes por esta ruta serán o 1 e o 15 de abril e o 22 de maio.

Por outro lado, a asociación organizará sete marchas polo Camiño Sanabrés que se realizarán o 5 e o 19 de febreiro, o 4 de marzo, o 9 de setembro, o 7 de outubro, o 21 de novembro e o 18 de decembro. Así mesmo, están programados cinco percorridos polo Camiño de Fisterra, que serán o 4 de maio e os días 3, 17 e 30 de xuño.

O calendario de percorridos da asociación previsto para este ano complementarase cunha viaxe a Roma que se fará entre o 16 e 20 de maio e outra a Aragón, que será levada a cabo entre o 21 e o 23 de setembro.