CARLOS ABELENDA | MAREA DE CORISTANCO | O aspirante a alcalde cre que a súa formación é a única que pode facer posible «un cambio real e eficaz» no municipio
24 abr 2019 . Actualizado a las 05:00 h.Carlos Abelenda Fernández (Verdes, Coristanco, 23 anos) preséntase por primeira vez a unha cita electoral. «É a miña primeira experiencia en política e estou moi ilusionado», sinala. Encabeza Marea de Coristanco. Leva moitos anos organizando ou liderando actividades, como as festas da súa parroquia. Tamén é campaneiro, e pirotécnico, en todos os casos coo o seu avó. Estuda Políticas.
-Que o levou a tomar esta decisión de presentarse?
-Primeiro, o mandato que remata, que foi un esperpento político. E tamén, logo de debater, pensar e reflexionar moito, chegamos á conclusión de que se queriamos que en Coristanco houbese un cambio político, tiñamos que ser os veciños os que désemos un paso adiante, e deixar atrás a toda esa clase política que nestes anos demostrou máis pensar en si mesma e nos seus intereses que nos dos veciños de Coristanco.
-Como ve a situación política do municipio? Hai oito partidos.
-Cando falamos dese tema, sempre digo o mesmo: é algo enriquecedor, fala da boa saúde democrática do noso Concello. E fago fincapé para que a xente participe. Cantas máis opcións políticas existan, máis opcións ten a xente para depositar a súa confianza. Esperemos que haxa máis xente que nunca nos colexios electorais, que a xente vote e decida o futuro de Coristanco.
-Que pode aportar a Marea?
-Cremos que somos a única candidatura que pode facer posible que en Coristanco haxa un cambio real e eficaz, de 180 graos, no xeito de facer política do que houbo ata agora. A maioría dos que se presentan xa estiveron no goberno e demostraron a súa incapacidade para chegar a acordos, tender pontes, para pensar no mellor para o noso Concello. Nós somos os únicos que representamos iso, en vista do que houbo ata agora dos demais.
-Que destaca do programa de Marea de Coristanco?
-A participación cidadá, que parece algo moi abstracto, pero é moi importante. Deben ser os veciños os que tomen as decisións que afecten á súa vila. E tamén queremos ter en conta as telecomunicacións, apostar por iso, que o acceso á Internet e cobertura de móbil e datos se mellore. Non se pode concibir que a estas alturas, en algúns lugares de Coristanco, a conexión a Internet sexa inexistente, e a móbil igual.
A favor / en contra
Cadea perpetua revisable: En contra
Aborto: A favor
Investigados nas listas: En contra
Traslado de restos de Franco: A favor
Referéndum Cataluña: A favor
Acollida refuxiados: A favor
Eutanasia: A favor
Cambio lei violencia xénero: A favor
Prohibición fumar praias e piscinas: A favor
Casco urbano a 30 km/h: En contra
Preferencias
A que hora se ergue? Depende. Sobre 8.30
Que almorza? Café con torradas
Prato preferido: Moitos. Marisco, ameixas.
Que non comería? Caracois.
Bebida preferida: Auga
Equipo de fútbol: Barcelona
Que coche ten? Hyundai i30
Unha afección: Lectura, pádel
Un lugar: Verdes
Que tarefas de fogar realiza? Todas, no piso de estudantes
Artes e letras
Escritor favorito: Ernesto Laclau
Último libro que liu: En torno a lo político.
Última película que viu: Capitana Marvel
Un artista: Joaquín Sabina
Un actor: Liam Neeson
Unha actriz: Emilia Clarke
Un cantante: Nega, de Los Chikos del Maíz
Tipo de música: De todo. Pop-rock
Deporte que practica: Pádel
Unha viaxe pendente: A Qatar
A lista de Marea de Coristanco
1. Carlos Abelenda
2. Cristian Moreira.
3. Rai Reborido.
4. Patricia Gómez.
5. María Teresa Rey.
6. Oliver Peláez.
7. Rocío Fariña.
8. María Álvarez.
9. Noelia Bello.
10. Luis Porteiro.
11. Francisco Moreira.
12. María Abelenda.
13. Socorro Fernández.