Coristanco e a sanidade


Defensora sempre dos servizos públicos, paréceme sangrante o que está a ocorrer co Sergas, concretamente no Centro de Saúde de Coristanco, algo quizais difícil de explicar para quen non está a sufrir o mal funcionamento do servizo pola mala xestión de Sanidade.

Levamos anos coa praza vacante de matrona, a titular xubilouse e para abaratar custes a Xunta evita ocupar o posto. O problema xurde cando os usuarios temos que facer uso e nos desprazan a concellos limítrofes como Carballo e Cabana, por exemplo. Pensaredes que ese non é o problema, hai medios para o desprazamento, pero a cuestión é que, cando realmente necesitas asistir a unha consulta e descolgas o teléfono e pides por favor unha cita para a matrona no teu centro de saúde, sorpréndense eles mesmos e a nós tamén, cando estando en agosto, nos ofrecen cita para o 5 de outubro. Unha simple consulta dun servizo diario, non unha especialidade nun hospital.

Pediatra

Como en Coristanco non debemos ser como calquera outro cidadán, estivemos xullo e agosto sen pediatra. Aínda que a través das manifestacións se fai presión mediática, pouco resultado ou presión se fixo ante a consellería, porque quizais políticamente non interesa que chegue o servizo ao cidadán para poder privatizar todo, suposicións persoais.

Non querendo utilizar o servizo de pediatría en Carballo, dado que defendo o uso no noso municipio, chamei para pedir para setembro: sorprendéndome de novo, cando ofrecen a máis próxima para o 21 de setembro.

Pregúntome, políticos que vos presentades como defensores do pobo, como loitadores dos intereses xerais e traballando por e para o cidadán sen intereses persoais nin particulares: ¿Onde estades? ¿Que facedes? Realmente, sabedes que posto ocupades? Porque é sangrante que non se perciba un ápice de interese para solventar o problema sanitario no noso Concello. O problema de todos, se os servizos van a menos, a Administración local vai a menos e autonómica vexo que lle convén a situación para minorizar os servizos e aumentar a privatización, pero, ¿quen se lucra de todo isto? Oxalá algún día teñades intereses verdadeiros cara os cidadáns, de quen vos servides e vos beneficiades.

Raquel Andrade. Coristanco.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Tags
Comentarios

Coristanco e a sanidade