«Disque fale do Corpiño, sen pagar publicidade»

Lupe blanco

CORISTANCO

MATALOBOS

A REGUEIFA DA SEMANA | Nova entrega do irónico resumo da actualidade dos últimos días, por Lupe Blanco

30 jun 2018 . Actualizado a las 05:00 h.

Agora xa canto eu

que xa veño preparada

coas noticias destes días

a cousa venche cargada

Empecemos por Carballo

xa pasa o Día do Neno

como cousa parecida

o Concello fixo o pleno

Como cousa parecida

teñen ideas a mazo

pero non queren arreghlare

a carrretera de Razo

Iso vai ter que esperar

non vai ser estas semanas

para os que queiran ir á praia

imos facendo gincana

Para gincana en Coristanco

xa o aviso atalora

que teñen en abandono

dúas das depuradoras

Pero o conto aínda sigue

que estes danlle emoción

para contratar socorristas

perderon a subvención

E eu pensando na noticia

que era unha barbaridá

deberon mover os marcos

porque a praia está onde está

A praia vai para as aforas

que temos ríos e fontes

debe estar cara Silván

ó lado do río de Conles

O que si que vou dicir

que ten moita envergadura

vou patrocinar a festa

porque mo pediu o cura

O cura éche moi listo

que foi á universidade

disque fale do Corpiño

sen pagar publicidade

Son as festas do Corpiño

que en Oca hai calidade

xa lle aviso don Manuel

que isto heillo cobrare

Un saúdo para todos

eu dígoas anque non queiran

que este sábado en Oca

hei de cantar se me deixan