«O mellor para gañar cartos é facerse electricista»

Nova sesión de regueifa semanal coa coristanquesa Lupe Blanco: ¡le a súa retranca!


Bos días para todos,

cada un sabe o que fai

aquí esta a regueifeira

porque outra non a hai.

Vamos empezar daquela

sen dicir barbaridades

que hai que darvos as noticias

que están de actualidade.

A cousa está complicada

volvemos con outro conto

a política está de moda

un alcalde sae absolto.

Chámase Ramón Varela

tiña unha causa pendente

pero xa pasou o xuízo

e o home é inocente.

O home é inocente

hai que dicilo primeiro

tamén vexo que nos barcos

fanlles falta mariñeiros.

Andan sen xente no mar

non che é unha marabilla

a ver se alguén se anima

para cubrir esas plantillas.

Senón témolo moi fácil

xa vos dou eu unha pista

o mellor para gañar cartos

é facerse electricista.

A culpa xa non é miña

de que volva a cantar

é que aló en Coristanco

sempre hai de qué falar.

Saen á luz as facturas

cando nunca mellor dito

pagan setenta mil euros

e quitáronlle o pico.

Antonio non escatima

queda un moi abraiado

debe ser que o electricista

cambiou todo o alumeado.

Noraboa a ese obreiro

se iso lles foi cobrar

ao concello a Coristanco

da gusto ir traballar.

Agora cambio de tema

isto si me sabe a gloria

déronlle a Pazos de Merexo

premio Mestre da Memoria.

E xa vou ir rematando

xa cantei dalgún asunto

ter coidado ca regueifa

que lle cae a todo o mundo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Tags
Comentarios

«O mellor para gañar cartos é facerse electricista»