De América de Vigo a Fuego ou Capitol: este venres e sábado, San Marcos en Corcubión
CORCUBIÓN
A localidade homenaxeará ao seu patrón cunha dobre xornada de celebración
23 abr 2026 . Actualizado a las 17:07 h.Nin teatro, nin cine, nin literatura ou danza faltarán esta fin de semana na Costa da Morte. Tampouco festa e verbena, e para mostra a vila de Corcubión, que este venres 24 e sábado 25 de abril festexará na honra do seu patrón, San Marcos. A celebración botará a andar o venres a partir das 22.00 horas, cunha gran verbena a cargo do grupo América de Vigo e a discoteca CDC. Será o sábado 25 a velada máis intensa: misa cantada ás 12.00 horas pola coral Airiños de Quenxe; procesión acompañada pola charanga O Rumbo de Sardiñeiro; sesión vermú de 14.00 a 15.30 coa orquestra Fuego; inchables gratuítos para os máis pequenos no Campo do Rollo, de 17.00 a 20.00 se o tempo o permite, e a partires das 22.00, verbena de novo con Fuego, Capitol e discoteca CDC. Importante esforzo organizativo para que a localidade teña unhas festas de altura.