A primeira cita, que será a de presentación, está programada para este xoves en Corcubión
07 abr 2026 . Actualizado a las 18:33 h.Un grupo de amigos afeccionados ao cinema e con ganas de compartir este mundo veñen de poñer en marcha o que deron en chamar Cineclub Sr. Lobo, un proxecto sen ánimo de lucro para xuntar a persoas que compartan esta afección. A inauguración será este xoves 8 de abril, ás 21.00 horas, na Casa da Cultura de Corcubión, con acceso libre e de balde para todos os interesados. Explicarán o proxecto, presentarase o filme La noche de los muertos vivientes (un clásico de George A. Romero) e haberá coloquio cos impulsores.