A Academia defende á moza de Muxía que querer mudar o apelido

Karina Pereira recibiu onte o apoio de ducias de manifestantes na presentación dos escritos ante o rexistro de Corcubión

.

CEE / LA VOZ

A moza muxiana Karina Pereira, que quere mudar o seu segundo apelido de «Rey» a «Rei» para empregalo na súa forma en galego recibiu onte diante do Rexistro Civil de Corcubión, onde lle fora negada esta posibilidade, o apoio de ducias de manifestantes reivindicando este dereito, entre eles o de presidente da Mesa Pola Normalización Lingüística, Mario Maceira, e de distintos representantes políticos da órbita nacionalista, como Bieito Lobeira.

A máis diso, a propia Real Academia Galega emitiu un comunicado que clarexa distintas cuestións, tanto legais como lingüísticas, e que pon en cuestión a actuación de determinados funcionarios neste tipo de casos. «Todas as persoas de Galicia teñen dereito a vivir en galego, a expresarse na súa lingua en todos os ámbitos da súa vida. Parte deste dereito é o de empregar os seus apelidos nas formas en galego», sinalan dende a Academia para a que o argumento de que a forma «Rey» pertence «ao acervo nacional» se sitúa «no ámbito das opinións ideolóxicas particulares e non ten base científica nin legal». De aí que inste «ao Rexistro Civil de Corcubión a aceptar a petición da solicitante».

Por outra banda, explica que o orixe do apelido pode estar en moitos casos ligado á creación en Compostela no ano 1492 do Hospital Real por parte dos Reis Católicos. A Inclusa dese centro acolleu mesmo ata o século XIX a numerosos nenos de pais incógnitos, que eran despois criados, previo pago, por mulleres pero estaban baixo a protección do rei.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

A Academia defende á moza de Muxía que querer mudar o apelido