O novo do Centro Dramático Galego chegará a Cee en maio

La Voz CARBALLO / LA VOZ

CEE

Miramemira

Trátase de Ás oito da tarde, cando morren as nais, con dirección e dramaturxia de Marta Pazos. Malpica, do seu lado, propón subir ao bus do teatro para poder ver a peza

13 abr 2022 . Actualizado a las 05:00 h.

Cee, xunto cos concellos de Catoira, Cedeira e A Estrada, ademais das localidades portuguesas de Beja e Coímbra, será un dos municipios que visitará a nova produción do Centro Dramático Galego: Ás oito da tarde, cando morren as nais, con dirección e dramaturxia de Marta Pazos. Foi presentada onte. O CDG leva a escena o texto de AveLina Pérez galardoado co premio Cunqueiro 2018. Logo da estrea, mañá, en Santiago, arrincará ese itinerario precisamente en Cee, o 5 de maio. Alí ficará a obra ata o 8, catro xornadas, unha delas para escolares. A idea é achegar ao maior número de persoas teatro contemporáneo.

Viaxe dende Malpica. Inscrito no programa de mobilidade do CDG, por certo, O Concello de Malpica ten habilitada a posibilidade de acudir ver esta obra, o 22 de abril, a través do chamado «bus do teatro»: 50 entradas, á venda por 6 euros cada unha delas. Reservas en auditoriodemalpica@gmail.com.

Parte do elenco artístico, formado por sete actores, nun dos últimos ensaios antes da estrea.

O CDG sobe o binomio artista-público ao escenario para romper barreiras

Montse García

Unha actriz e, fronte a ela, un público que fala todo o tempo. Esa reprodución dunha sala teatral será a que se atopen sobre o escenario os espectadores da nova montaxe do Centro Dramático Galego (CDG), Ás oito da tarde, cando morren as nais, que se estrea este xoves no Salón Teatro de Santiago. Nela abórdase cunha mirada irónica a relación entre o teatro e a súa recepción. «O obxectivo é cuestionarnos a nós mesmos como público e limar e esvaecer esas diferenzas entre o público e o artista, algo tan propio do século XXI», dixo Marta Pazos, responsable da dirección e dramaturxia desta peza que pon en escena o texto de AveLina Pérez galardoado no 2018 co premio Álvaro Cunqueiro.

Seguir leyendo